მე ის თიხა ვარ,
შენ რომ უნდა კაცად გაქციოს,
შენს მოლოდინში, როგორც მიწა წვიმისგან ლბება,
ისე ასველებს ჩემი ძუძუს კერტებს სურვილი
შენთან შერწყმის და მელეწება მკლავებზე ვნება.
მე ის თიხა ვარ,
შენ რომ უნდა ძერწო ამაღამ,
მწიფე მიწა ვარ, დაპენტილი ატმის კვირტებით
და თუ ჩამაქსოვ მშიერ მკერდში სიცოცხლის ღეროს,
ცოტაც და ჩვილის სათუთი ხმით აგიტირდები.
მე ის თიხა ვარ,
შენ რომ უნდა მამად გაქციოს…
მე ის თიხა ვარ, შენ რომ უნდა ძერწო ამაღამ…
No comments:
Post a Comment